İnsan həyatını bir manatdan ucuz tutan sürücü - VİDEO

İzləyicimizin PATRUL.AZ qaynar xəttinə göndərdiyi videogörüntü 14 oktyabr,  04:35 radələrində,  yəni sutkanın qaranlıq vaxtı qeydə alınıb.  #01BJ659 dövlət qeydiyyat nişanlı avtomobilin arxasında heç bir işıq yanmır. Hər hansı sürücü bunu görməsə, yaxud gec görsə necə olacaq? Məsələn onun arxası ilə gələn avtomobil 60 km/saat sürətlə gəlsə burada qəza qaçınılmaz olacaq axı. Çünki işıqların vurma məsafəsi tormoz yolundan daha az olacaq. Burada "bəlkə kasıbdır,  imkanı yoxdur" və s. bəhanələri də yersizdir. Çünki o lampaların uzağı bir manat qiyməti var. Hamısının da birdən xarab olması demək olar mümkünsüzdür. Burada sadəcə bir səbəb var. Bu sürücü insan həyatını bir manatdan da ucuz hesab edir.