Avtomobilə zərər vurub getdi - VİDEO

İzləyicimiz PATRUL.AZ qaynar xəttinə videogörüntü göndərib bildirir ki, 14 oktyabr,  18:26 radələrində hərəkətdə olarkən #99VN627 dövlət qeydiyyat nişanlı avtomobilin sürücüsü qaydaları pozaraq onun qarşısına keçməyə cəhd edib və bu zaman onun avtomobilinin yan güzgüsünün boyasını da sürtüb. İzləyicimiz qayda pozan sürücüyə bununla bağlı irad bildirsə də, o, heç nə olmamış kimi yoluna davam edib.

O, bizim vasitəmizlə səlahiyyətli orqanlardan qayda pozan sürücü barədə inzibati tədbir görülməsini və onun avtomobilinə dəyən zərərin ödənilməsinə kömək etmələrini xahiş edir.