Yollarda "AĞALIQ" edən sürücülərin GÖRÜNTÜLƏRİ

Ötən günlərdə baş verən kobud qayda pozuntuları ilə bağlı qaynar xəttimizə videolar daxil olub. İlk görüntüdə Dərnəgül Binəqədi yolundan baş verən qayda pozuntusu barədədir. Videodan da göründüyü kimi 50 BU 390 dövlət qeydiyyat nişanlı Toyota markalı avtomobilin sürücüsü kobud qayda pozaraq qəza şəraiti yaradıb. Belə ki, o düz xəttin tələbini pozaraq əks yolda yol kənarı ilə sürətli hərəkət edərək özü və digər sürücülər üçün təhlükə yaradır.  

Digər görüntüdə isə 90 NX 058 dövlət qeydiyyat nişanlı Hyundai markalı avtomobil sürücüsünün kobud qayda pozuntusunu görürük. Belə ki, həmin sürücü Şəfayət Mehdiyev küçəsi ilə hərəkət edən Mercedes markalı avtomobilin gözləmədən önünə çıxıraq qəza şəraiti yaradır. Mercedes markalı avtomobilin sürücüsünün xəbərdarlıq siqnalından qəzəblənən Hyundai markalı avtomobilin sürücü onun qarşısında bilərəkdən ani tormuzlanma edir və bundan sonra onun hərəkətinə kobud şəkildə maneəçilik etməyə çalışır. Bundan sonra sürücü yolunu dəyişərək davam etmək istəsə də digər sürücü sağ və sol tərəfdən onun qarşısını kəsməyə və sanki ona öz-özlüyündə cəza verməyə çalışır.

Qeyd edək ki, digər sürücülərin həyatına təhlükə yaratmamaq və qaydaları pozmamaq hər bir sürücünün borcudur!

patrul.az