“HƏMAS danışıqlara açıqdır”

“Fələstinin HƏMAS qruplaşması İsraillə danışıqlara açıqdır”.
“Patrul.az” xəbər verir ki, bu barədə məlumatı qruplaşmanın siyasi bürosunun üzvü Musa Abu-Marzuk “Əl-Cəzirə”yə müsahibəsində deyib.
“Biz məqsədlərimizi yerinə yetirdik. Biz istənilən müzakirələrə və siyasi dialoqa açığıq”, - deyə Abu-Marzuk qeyd edib.

Xatırladaq ki, oktyabrın 7-si İsrail ərazisi Qəzza zolağından raket atəşinə tutulub. Qəzza zolağına nəzarət edən HƏMAS hərəkatı İsrailə qarşı genişmiqyaslı hərbi əməliyyata başladığını bildirib. Bunun ardınca İsrail ordusu Qəzza zolağında “Dəmir qılınclar” adını verdiyi hərbi əməliyyata başlayıb. Hazırda döyüşlər davam edir.