Denge qızdırmasından ölənlərin sayı 778-ə yüksəldi

Banqladeşdə ilin əvvəlindən bu yana 778 nəfərin denge qızdırmasından öldüyü bildirilir.
"Patrul.az" xəbər verir ki, Banqladeş Səhiyyə Xidmətləri Baş Müdirliyindən verilən açıqlamada, ilin əvvəlindən bu yana ölkədə yoluxma sayının 157 min 172-yə çatdığı bildirilib.
Birləşmiş Millətlər Təşkilatının Uşaq Fondu rəqəmlərin əslində daha yüksək olduğunu, lakin dəqiq məlumat verilmədiyini bildirib.

Digər tərəfdən Muğda Tibb Fakültəsi Xəstəxanasının direktoru Muhammed Niatuzzaman epidemiyanın "ölkənin davamlı siyasəti olmadığı" və bir çox mütəxəssisin xəstəliyi necə müalicə edəcəyini bilmədiyi üçün daha çox yayıldığını qeyd edib. 
Niatuzzaman məmurları epidemiyalara qarşı daha yaxşı hazırlığa çağırıb.