Füzulidə ağır yol qəzası - Ölən və yaralananlar var

Avqustun 13-də saat 19 radələrində Füzuli rayonunun Kürdmahmudlu kəndi ərazisində yol-nəqliyyat hadisəsi baş verib.
“Patrul.az” xəbər verir ki, bu barədə DİN məlumat yayıb.
Bildirilib ki, Ağstafa rayon sakini E.Həsənovun idarə etdiyi “Mercedes” markalı və Salyan rayon sakini R.Nəzərovun idarə etdiyi “VAZ-2106” markalı avtomobillər toqquşub.
Nəticədə R.Nəzərov və sərnişini Bakı şəhər sakini Y.Əhmədov hadisə yerində ölüblər, digər 5 sərnişin xəstəxanaya yerləşdirilib.
Füzuli RPŞ tərəfindən araşdırma aparılır.