Yol polisi xidməti avtomobilini şəxsi maşın kimi istifadə edə bilər? - VİDEO

Belə halların baş verməməsi üçün DİN və DYP rəhbərliyi ciddi tədbir görəcək.

Xeber-xetti.com Bakı Şəhər Dövlət Yol Polisi İdarəsinin Yol Patrul Xidmətinin inspektorunun (hələlik adı bəlli deyil) 99 YP 314 dövlət nömrə nişanlı YPX avtomobilini şəxsi maşını kimi istifadə etməsi görüntülərini yayıb.

Qanunvericiliyin əsəslarına görə, xidmətdə olan patrul maşını və ya hər hansısa əməkdaş xidmət yerini tərk edə bilməz. Dövlətin onlara təhkim etdiyi avtomaşından öz şəxsi problemlərini hansısa formada həll etmək üçün istifadə edə bilməz. Lakin video görüntülərdə əks olunanlar isə bunun tam əksini söyləyir.

Belə ki, DYP-nin 99 YP 314 dövlət qeydiyyat nişanlı avtomaşını 02.10 2019 tarixində Yasamal rayonu Akim Abbasov küçəsində "Elitin yanı" adlanan ərazidə yerləşən mənzilinə xidməti maşınla xidmətdə ola-ola gedib . Və istədiyi vaxt yenidən xidmətə çıxır. Yəqin ki, belə halların baş verməməsi üçün DİN və DYP rəhbərliyi ciddi tədbir görəcək.