Qayda pozuntusu törədərək sosial şəbəkədə paylaşan daha bir "blogger" saxlanıldı -VİDEO

DİN-in BDYPİ-in mətbuat xidmətinin inspektoru Polis leytenantı Elvin Hacıyevin Patrul.az-a verdiyi məlumat görə idarə etdiyi "Land Rover Velar" markalı 99-CN-222 qeydiyyat nişanlı avtomobillə yol hərəkət qaydasını pozaraq bunu sosial şəbəkə hesabında paylaşan Quluzadə Afət  Əhməd qızı Baş DYP İdarəsinin əməkdaşları tərəfindən saxlanılıb.
İzahatında törətdiyi əməldən peşman olduğunu və bir daha belə hallara yol verməyəcəyini bildirən A.Quluzadə barəsində inzibati protokol tərtib edilmişdir. 

Baş Dövlət Yol Polisi İdarəsi bir daha bütün sürücülərdən bu kimi hallara yol verməmələrini tələb edir və xəbərdarlıq edir ki, belə hallara yol verən şəxslər aşkar edildikdə heç bir istisna olmadan barələrində ciddi tənbeh tədbirləri görüləcəkdir.

Qeyd edək ki, videogörüntü tərəfimizdən ictimailəşdirilmişdir.