Yol hərəkəti qaydalarını pozmayan sürücülər mükafatlandırılıblar - VİDEO

Ümummilli Lider Heydər Əliyevin 100 illik yubileyi ilə əlaqədar 18 Oktyabr - Müstəqilliyin Bərpası Günü ərəfəsində il ərzində yol hərəkəti qaydalarını pozmayan sürücülər Baş Dövlət Yol Polisi İdarəsi tərəfindən müəyyən edilərək qiymətli hədiyələrlə mükafatlandırılıblar.

Məqsəd isə sürücüləri qayda pozmamağa təşviq etmək və yollarda insanlarımızın təhlükəsizliyini təmin etməkdir. İdarə əməkdaşları tərəfindən müsahibə zamanı Patrul.az-a bildirilib ki, yollarda təhlükəsizliyin təmin olunmasının əsas tələblərindən biri də nəqliyyat vasitələrinin saz vəziyyətdə istismar edilməsidir. Bununla əlaqədar olaraq artıq bir ilə yaxındır ki, nəqliyyat vasitələrinin sahiblərinə fasiləsiz və daha keyfiyyətli xidmət göstərilməsi, eləcə də vətəndaş məmnunluğunun təmin edilməsi məqsədilə, Baş Dövlət Yol Polisi İdarəsinin paytaxtın Sabunçu rayonu Zabrat qəsəbəsində və Lökbatan dairəsindən Yeni Yasamal yaşayış massivinə gedən yolun üzərində yerləşən Texniki Müayinə Mərkəzlərində 24 saat fasiləsiz iş rejimi tətbiq edilib.

Bununla da nəqliyyat vasitələrinin sahibləri və sürücüləri növbəlilik prinsipi əsasında fəaliyyət göstərən Müayinə Mərkəzlərinə günün istənilən vaxtı müraciət etmək imkanı qazanıblar.