Ara işləyib qırmızı işıqda hərəkət edən sürücü - VİDEO

Üzərində "Bolt" şirkətinə məxsus olan reklamla hərəkət edən #99PV836 dövlət qeydiyyat nişanlı avtomobilin sürücüsü sanki digərlərinə təhlükə yaşatmaq üçün yola çıxıb. 

Patrul.az qaynar xəttinə göndərilən videogörüntü 9 avqust, 17:30 radələrində Bakıdan Masazıra gedən yolda çəkilib. Sürücü yol boyu təhlükəli manevrlər edib, zolaqlar üzrə yerləşmə, yerdəyişmə qaydalarını pozub, ən sonda isə Masazır qəsəbəsinə dönərkən svetoforun qırmızı işığında hərəkəti davam etdirib. İnanırıq ki, bu sürücü digər hərəkət iştirakçılarına faciə yaşatmamış barəsində qanunamüvafiq tədbirlər görülər.