Növbəti qayda pozanlar silsiləsi - VİDEO

PATRUL.AZ qaynar xəttinə növbəti qayda pozan sürücülərin videogörüntüləri göndərilib. 

10 may, 22:58 radələrində #99US489 dövlət qeydiyyat nişanlı avtomobilin sürücüsü zolaqlar üzrə yerdəyişmə qaydalarını pozaraq öz zolağı ilə gedən avtomobilə təhlükə yaşadıb.

18 may, 15:28 radələrində Moskva prospektində #10PH166 və #99UO934 dövlət qeydiyyat nişanlı avtomobillərin sürücüləri yolayrıcını keçmə qaydalarını pozaraq baş yolla gələn avtomobilə təhlükə yaşadıblar.

19 may, 17:38 radələrində zolaqlar üzrə yerdəyişmə qaydalarını pozan #01BM300 dövlət qeydiyyat nişanlı avtomobilin sürücüsünün qayda pozmağı azmış kimi öz zolağı ilə hərəkət edən avtomobil sürücüsünə etiraz da edib. 

10 may, 13:09 radələrində Babək prospektində hərəkət edən #99MG444 dövlət qeydiyyat nişanlı avtomobilin sürücüsü isə ən sağ zolaqdan birbaşa üç zolaq yerdəyişmə edərək öz zolağı ilə hərəkət edən avtomobilə təhlükə yaşadıb. 

15 may, 15:13 radələrində Şəki şəhəri Suçma kənd ərazisindən keçən hissədə #90SJ888 dövlət qeydiyyat nişanlı avtomobilin sürücüsü bir neçə dəfə 1.1 xəttinin tələbini pozmaqla əks yola çıxıb hərəkətini davam etdirib.