Qəzzalı uşaqlara yemək əvəzinə oyuncaq hamburger göndərdi - BMT-dən biabırçılıq

BMT fələstinliləri ələ salan addım atıb.

“Patrul.az” xəbər verir ki, Birləşmiş Millətlər Təşkilatı Qəzzada aclıq, susuzluq və ağrıdan əziyyət çəkən, bütün dünyadan kömək gözləyən uşaqlara qarşı xoşagəlməz münasibət sərgiləyib. Belə ki, təşkilat yemək və dərman yardımı gözləyən uşaqlara yemək formalı oyuncaqlar göndərib. BMT-nin göndərdiyi çantalarda yemək əvəzinə oyuncaq hamburger, dondurma, kartof qızartması olub.

Bu hadisə Fələstin vətəndaşının X sosial media platformasındakı paylaşımı ilə üzə çıxıb. Paylaşımda; “Birləşmiş Millətlər Təşkilatı uşaqlarımıza yemək vermək əvəzinə onlara yeməyə bənzəyən oyuncaqlar verir”, - deyə bildirilib.

Qalmaqallı görüntülərə dünyanın hər yerindən sərt reaksiyalar gəlib.