İsrail ordusu daha bir yüksəkrütbəli HƏMAS komandirini öldürdü

İsrail ordusu Fələstinin radikal HƏMAS qruplaşmasının daha bir yüksək rütbəli komandirini öldürüb.
“Patrul.az” xarici KİV-ə istinadən xəbər verir ki, bu barədə İsrail Müdafiə Qüvvələri Baş Təhlükəsizlik Xidməti ilə birgə bəyanat yayıb.

Kəşfiyyat məlumatlarına görə, sərhəddəki Nirim kibbutzuna hücuma rəhbərlik edən “Nuxba” xüsusi təyinatlılarının şirkətlərindən birinin komandiri Bilal Əl-Kedra zərərsizləşdirilib.

Xatırladaq ki, oktyabrın 7-si İsrail ərazisi Qəzza zolağından raket atəşinə tutulub. Qəzza zolağına nəzarət edən HƏMAS hərəkatı İsrailə qarşı genişmiqyaslı hərbi əməliyyata başladığını bildirib. Bunun ardınca İsrail ordusu Qəzza zolağında “Dəmir qılınclar” adını verdiyi hərbi əməliyyata başlayıb.