Rəsmi Ankara israilli girovlar üçün HƏMAS-la danışıqlar aparır

Rəsmi Ankara israilli girovların xilas edilməsi üçün HƏMAS-la danışıqlar aparır. 
Bu barədə “Patrul.az” Türkiyə mətbuatına istinadən xəbər verir.
Məlumata görə, Türkiyə Prezidenti Rəcəb Tayyib Ərdoğanın göstərişi ilə mülki girovlarla bağlı prosesi müvafiq qurumlar idarə edir.Qeyd edək ki, HƏMAS-ın əlində azı 150 israilli girovun olduğu ehtimal edilir. Onların neçəsinin mülki, neçəsinin isə hərbçi olduğu barədə məlumat yoxdur.