“İlin ağacı”nı kəsən 16 yaşlı oğlan həbs edildi - Fotolar

Böyük Britaniyanın dünyaca məşhur “Sycamore Gap” ağacını kəsən 16 yaşlı oğlan həbs edilib.
“Patrul.az” xəbər verir ki, Northumberlanddakı Hadrian Divarında yerləşən və təxminən 300 yaşında olduğu düşünülən “Sycamore Gap” ağacı İngiltərədə ən çox fotoşəkil çəkilən ağaclardan biri idi.

Ağac aktyor Kevin Kostnerin 1991-ci ildə çəkildiyi “Robin Hud: Oğrular Şahzadəsi” filmində göründükdən sonra məşhurlaşıb və 2016-cı ildə “Woodland Trust” mükafatlarında Britaniyada “İlin Ağacı” seçilib.
Ağacın kəsilməsi ölkədə böyük kədərə səbəb olub.