Rokki Papanı rinqə dəvət etdi

Amerikalı aktyor Silvestr Stallone Vatikana səfəri zamanı Papa Fransiskdən rinqdə oynamağı xahiş edib. Papa Stallonenin təklifinə yumruqlarını göstərməklə cavab verib.
"Patrul.az" xəbər verir ki, Vatikanın rəsmi nəşri olan "VaticanNews"-un sosial media platformasında yazdığı yazıya görə, Papa katolik olduğu bilinən Stallone və ailəsini təkbətək qəbul edib. Stallone sıx bir gündə onlara vaxt ayırdığı üçün Papaya təşəkkür edib. Papa səfərindən şərəf duyduğunu da ifadə edərək, məşhur aktyora “Biz sizin filmlərinizlə böyümüşük” deyib.

Bunun üzərinə Stallone ona kino tarixində baş rolda oynadığı kult filmlərindən biri olan "Rokki"ni xatırladıb və yumruqlarını sıxaraq "Boksla məşğulsan?" soruşub.
Papa Stalloneyə yumruqlarını göstərməklə cavab verib.