Konqoda qızıl daşıyan konvoya hücum nəticəsində 4 nəfər ölüb

Konqo Demokratik Respublikasının (KDR) şərqində bir qrup naməlum şəxsin Cənubi Kivu əyalətindəki mədəndə hazırlanmış qızılı daşıyan avtomobil karvanına hücumu nəticəsində iki çinli mütəxəssis də daxil olmaqla dörd nəfər həlak olub.
"Patrul.az" xəbər verir ki, bu barədə Konqonun Actualite xəbər portalı məlumat yayıb.

Hücum Nqulula kəndi yaxınlığında həyata keçirilib. Ölənlərlə yanaşı, daha 3 nəfər güllə yarası alıb. Onların arasında çinli mütəxəssis də var.
Hücum edənlər qızıl yükünü ələ keçirərək qaça biliblər. Onların axtarışı davam edir.