“İlk hədəf Putindir” - Ukrayna kəşfiyyatı

“Ukraynanın ilk hədəfi Rusiya Prezidenti Vladimir Putindir”.
“Patrul.az” Rusiya mediasına istinadən  xəbər verir ki, bunu Ukrayna Müdafiə Nazirliyinin Baş Kəşfiyyat İdarəsinin rəis müavini Vadim Skibitski bildirib.
Skibitskinin sözlərinə görə, Ukraynada məhv etmək istədikləri Rusiyanın yüksəkrütbəli məmurlarının şərti siyahısı var.

“Siyahının başında işğalçı ölkənin Prezidenti Vladimir Putin dayanır”, - deyə Skibitski qeyd edib.
Xatırladaq ki, Ukrayna kəşfiyyatı bundan əvvəl Rusiyada baş verən sui-qəsdlərdə iştirak etmədiyini deyib.