Onun sözlərinə görə, Putinlə Heydər Əliyev arasında yaxın münasibətlər olub: “V.Putin həqiqətən də Heydər Əliyevə çox hörmət edirdi. Onlar dəfələrlə görüş keçiriblər. Rusiya və Azərbaycan arasında hazırkı ikitərəfli münasibətlərin möhkəm təməli məhz o zaman qoyulub. Prezident oxşar əlaqələri İlham Əliyevlə də davam etdirir. Əlbəttə, ümumi tariximizdə, Sovet İttifaqının tarixində Heydər Əliyevin rolunu qiymətləndirməmək mümkün deyil. Bu rol həqiqətən də böyükdür”.