Həyətdə ot biçirdi, 50 milyonluq göbələk tapdı

Cənubi Koreyada bir fermer ot biçən zaman öz mülkündə iki kiloqramlıq göbələk tapıb.
"Patrul.az" xarici mediaya istinadla bildirir ki, hadisə Honq Son şəhərində baş verib. Mütəxəssislər lazımi prosedurları həyata keçirib və məlum olub ki, So Ki Seok adlı koreyalı şampinyon ailəsindən nəhəng göbələk tapıb.

Belə göbələklər mülayim zonanın çəmənlikləri və sahələri üçün xarakterikdir. Onların diametri 50 santimetrə çata bilir. Göbələk gəncdirsə, onu yemək təhlükəli deyil. Ancaq çox yetişib qalınlaşarsa, mədə narahatlığına səbəb ola bilər.

So Ki Seokun tapdığı göbələk diametrinə görə məşhur sələfindən - 50 milyon vona (təxminən 64 min manat) satılan 20 santimetrlik iribaşdan daha böyükdür. Beləliklə, tapıntının daha da dəyərli olacağı ehtimal olunur.

//Lent.az