Vatsapda bu da mümkün olacaq

Vatsap sosial platforması istifadəçilər üçün yeni funksiya təqdim edir.
“Patrul.az” xəbər verir ki, bu barədə sosial şəbəkənin rəsmi saytında məlumat verilib.
Bildirilib ki, artıq vatsap istifadəçiləri mesajı göndərdikdən sonra 15 dəqiqə ərzində redaktə edə biləcəklər.

Mesaj redaktə funksiyası bütün platformalarda vatsap istifadəçiləri üçün əlçatandır. Redaktə etmək üçün mesajı basıb saxlamalı və “düzəliş et” seçimini seçməlisiniz. Dəyişikliklər etmək üçün mesajın göndər düyməsini sıxmaq lazımdır, bundan sonra “dəyişdirildi” imzası ilə qeyd olunacaq.
Qeyd edək ki, bu funksiya qlobal miqyasda yayılmağa başlayıb və yaxın həftələrdə bütün istifadəçilərə təqdim ediləcək.