“Yudaşkini yenidən Bakıya dəvət etmək istəyirdim, qismət olmadı...”

Əməkdar incəsənət xadimi Fəxriyyə Xələfova mərhum rusiyalı modelyer Valentin Yudaşkinlə bağlı sosial media hesabında paylaşım edib.
“Patrul.az” xəbər verir ki, o, həmkarının vəfatından kədərləndiyini bildirib.
Xələfova Yudaşkinin onun dəvəti ilə 2000-ci ildə Bakıya gəlişini xatırlayıb: “Bizi ümummilli lider Heydər Əliyev qəbul etmişdi. “Heydər Əliyev İli”ndə (2023-red.)  Valentin Yudaşkini yenidən Bakıya dəvət etmək istəyirdim, amma qismət olmadı...”
Xatırladaq ki, V. Yudaşkin mayın 2-də 59 yaşında dünyasını dəyişib. O, xərçəng xəstəliyindən əziyyət çəkirdi.