Yol polisi əməkdaşı “zebra”da 57 yaşlı kişini vurdu - FOTO

Rusiyanın Saratov şəhərində yol polisi əməkdaşı xidməti avtomobillə piyadanı vurub.

patrul.az xəbər verir ki, insident ötən gün səhər saatlarında Myasniçko küçəsində qeydə alınıb. Bu barədə əyalət üzrə DİN Baş İdarəsinin Mətbuat xidmətindən məlumat verilib.

Məlumata görə, adı açıqlanmayan baş inspektor “VAZ-2114” markalı xidməti maşınla hərəkətdə olan zaman piyada keçidindən keçən 1962-ci il təvəllüdlü kişini vurub. Piyadanın vəziyyəti barədə məlumat qeyd olunmayıb.

Bildirilir ki, polis əməkdaşı hadisə zamanı içkili olmayıb.

Faktla bağlı araşdırmalara başlanılıb.