Gəncədə 45 yaşlı piyadanı maşın vurdu - VƏZİYYƏTİ AĞIRDIR

Gəncədə piyada vurulması ilə nəticələnən qəza baş verib.

APA TV-nin yerli bürosunun məlumatına görə, hadisə şəhərin Şəddadilər küçəsində qeydə alınıb.

1974-cü il təvəllüdlü şəhər sakini Muraz Əli oğlu Paşayev yolu keçmək istəyən zaman hərəkətdə olan “VAZ 2107” markalı minik maşını onu vurub. Sürücü yaralını xəstəxanaya çatdırıb. 45 yaşlı kişinin vəziyyəti ağır olduğundan, özəl xəstəxanaya yerləşdirilib.

Faktla bağlı araşdırma aparılır.

patrul.az