Bakıda hündürmərtəbəli binada yanğın baş verib - FOTO/VİDEO + YENİLƏNİB
Bakıda hündürmərtəbəli binada yanğın baş verib - FOTO/VİDEO + YENİLƏNİB
Fövqəladə Hallar Nazirliyi Bakının Nərimanov rayonunda baş vermiş yanğınla bağlı məlumat yayıb.
FHN-in saytında xəbər verilir ki, yanğın barədə nazirliyin “112” qaynar telefon xəttinə məlumat daxil olub və bildirilib ki, hadisə Bakı şəhəri, Nərimanov rayonu, İzzəddin Həsənoğlu küçəsi 2B ünvanında çoxmərtəbəli yaşayış binasının 9-cu mərtəbəsindəki mənzildə qeydə alınıb.
Dərhal Nazirliyin Dövlət Yanğından Mühafizə Xidmətinin yanğınsöndürmə qüvvələri və Xüsusi Riskli Xilasetmə Xidmətinin müvafiq qüvvələri hadisə yerinə cəlb olunub. Yanğın saat 01:07 dəqiqədə Dövlət Yanğından Mühafizə Xidmətinin yanğınsöndürmə qüvvələri tərəfindən məhdudlaşdırılıb (yanğının yayılma təhlükəsi yoxdur).
Əlavə məlumat veriləcək.
03:38
Bakıda hündürmərtəbəli binada yanğın baş verib.
APA xəbər verir ki, hadisə Nərimanov rayonu, İzzəddin Həsənoğlu küçəsi 2 ünvanında qeydə alınıb. Yanğın 18 mərtəbəli binanın 7-ci mərtəbəsindəki mənzillərin birində meydana gəlib.
Əraziyə yanğından mühafizə qüvvələri cəlb olunub. Bina sakinlərinin təxliyyəsinə başlanılıb.
Yanğının səbəbləri araşdırılır.
patrul.az