“Prius”un vurduğu hamilə qadın öldü

Xəbər verdiyimiz kimi, ötən gün Xətai rayonu ərazisində yerləşən Respublika Neyrocərrahiyyə Xəstəxanasının qarşısında ağır yol-nəqliyyat hadisəsi baş verib.
“Patrul.az” xəbər verir ki, yüksək sürətlə hərəkət edən “Toyota Prius” markalı avtomobil qəzadan yayınmaq istəyərkən iki nəfər piyadanı vurub.

Qəza nəticəsində piyada-22 yaşlı  Güllü Mehdiyeva xəstəxanaya aparılarkən bətnindəki övladını itirib. Ağır vəziyyətdə reanimasiya şöbəsinə yerləşdirilən qadın bir neçə saat sonra dünyasını dəyişib.

Onunla birlikdə olan baldızının isə ayağı sınıb.
Qəza törədən avtomobilin sürücüsü istintaqa cəlb olunub.
Faktla bağlı araşdırma aparılır.