Aeroport yolunda zəncirvari qəza: Xəsarət alan var

Suraxanı rayonunda zəncirvari yol-nəqliyyat hadisəsi baş verib.  

patrul.az, Oxu.Az-a istinadən xəbər verir ki, qəza aeroport şossesində qeydə alınıb.  

Bir neçə minik avtomobilinin toqquşması zamanı sürücülərdən biri - 1963-cü il təvəllüdlü Bayramzadə Rafiq Əyyub oğlu xəsarət alıb.  

Yaralı xəstəxanaya yerləşdirilib. Ona döş qəfəsinin əzilmiş yarası, qarının küt travması diaqnozu qoyulub. Vəziyyəti kafi qiymətləndirilir. 
 
Faktla bağlı araşdırma aparılır.