Nazirlik rəsmisindən karantinin yumşaldılmasının fəsadları ilə bağlı MÜHÜM AÇIQLAMA

“Karantin rejiminin yumşaldılması ilə yoluxma sayının dəfələrlə artmasını görürük”.

patrul.az xəbər verir ki, bunu Səhiyyə Nazirliyi Aparatının rəhbəri Nadir Zeynalov “Real” TV-nin efirində bildirib.

Onun sözlərinə görə, səhiyyə sistemimiz yoluxanların sayının dəfələrlə artmasına baxmayaraq, vəziyyətə uyğunlaşa bilir və idarə edə bilir:

“Səhiyyə və tibb sistemi sovet prinsipi ilə qurulub. Bu gün də bu sahədə yenilənmə prosesi davam edir. Tibb personalının peşəkarlıq səviyyəsi kifayət qədər qənaətbəxş səviyyədədir. Həkimlərin və tibb işçilərinin cəmiyyətdə yeri və rolu yüksək olaraq qalır”.

“Həkimlərimiz müasir dövrün tələblərinə cavab verir. Cavab verməyən mütəxəssislər kənarlaşırlar”, - deyə N.Zeynalov qeyd edib.