Bu ay zəhərlənənlərin sayı AÇIQLANDI - RƏSMİ
Bu ay zəhərlənənlərin sayı AÇIQLANDI - RƏSMİ
“Yanvar ayının 1-dən 15-dək 16 nəfər dəm qazından zəhərlənmə ilə bağlı bizə müraciət edib”.
Bu sözləri Lent.az-a açıqlamasında Kliniki Tibbi Mərkəzin toksikologiya şöbəsinin baş həkimi, ölkənin baş toksikoloqu Azər Maqsudov deyib. O bildirib ki, onların arasında azyaşlı olmayıb:
“16 nəfərdən 10-na ilkin tibbi yardım göstərildikdən sonra evə buraxılıb. Digər 6 nəfərin isə müalicəsinə davam edilib və bir neçə gün sonra evə yazılıblar.
Bundan başqa, 2 nəfər sirkə turşusundan zəhərlənmə ilə, 4 nəfər isə allergik reaksiya ilə bizə müraciət ediblər və müalicədən sonra evə buraxılıblar”.
A.Maqsudov qeyd edib ki, bu ay 12 nəfər dərmandan zəhərlənmə ilə bağlı müraciət edib:
“Onlardan 7-nə ilkin tibbi yardım göstərilib və evə buraxılıb. Digər 5 nəfərin müalicəsinə davam edilib, hazırda onlardan 1-nin müalicəsi davam edir, 4-ü isə evə yazılıb”.
patrul.az