SOCAR neft və lay sularının dənizə axıdılmasına dair yayılan məlumatlara münasibət bildirib
SOCAR neft və lay sularının dənizə axıdılmasına dair yayılan məlumatlara münasibət bildirib
"Neft, lay suları, digər çirkli maddələrin dənizə birbaşa axıdılması SOCAR-ın təlimat və standartlarında nəzərdə tutulmur və şirkət rəhbərliyinin yerlərə verdiyi təlimatlara birbaşa ziddir".
SOCAR-dan “APA-Economics”ə verilən məlumata görə,son vaxtlar sosial şəbəkələrdə dəniz platformasından neft və ya digər bulanıq mayenin dənizə axıdılması görüntüləri yayılmaqdadır.
“SOCAR son dövrdə "Azneft" İB-nin dəniz platformalarında lay sularının təmizlənməsi üçün xüsusi avadanlıqlar quraşdırıb və artıq neftlə birlikdə çıxan lay sularının da təmizlənməsinə tam nail olunub”, - məlumatda qeyd olunur.
Məlumata görə, yayılan görüntülərdə əks olunan hadisənin məkanı Neft Daşlarında ehtimal olunduğuna görə bu gün səhər "Azneft" İB-nin rəhbər heyətinin iştirakı ilə oraya komissiya göndərilib: "Hazırda araşdırma aparılır və nəticəsi barədə ictimaiyyət məlumatlandırılacaq. Ətraf mühitin qorunması istiqamətində bu cür hadisələrin təkrar baş verməməsi üçün nəzarət daha da gücləndiriləcək".
patrul.az